台庆剧《廉政行动2024》，搵嚟陈山聪、张曦雯、罗子溢、郑则仕、蔡洁、郑俊弘、林凯恩（Iris）及陈星妤（Yvette）等人主演，阵容鼎盛！TVB小花林凯恩及陈星妤喺参选2015年度及2021年度香港小姐后入行，分别以剧集《爱·回家之开心速递》「Bonnie」和《一舞倾城》「KK」而人气急升；而佢哋今次喺《廉政行动2024》饰演助理调查主任，早前TVB喺社交网站分享拍摄花絮，竟令二人素颜真面目意外曝光。
喺早前TVB释出嘅《廉政行动2024》拍摄花絮中，分享咗林凯恩及陈星妤拍剧前嘅开会细节，二人均着上便服及以素颜示人，虽然佢哋个样冇化咗妆咁Sharp醒，不过依然五官端正及皮肤状态不俗，之后肤色有啲黄同埋面上有啲油光。虽然有网民指佢哋年纪轻轻就已经面黄，不过都有唔少网民大讚佢哋妆前妆后差别唔大及 都係靓女一名。
32岁嘅林凯恩，2015年参选香港小姐竞选勇夺友谊小姐，随即加入TVB，凭处境剧《爱·回家之开心速递》谭育英Bonnie一角渐为人所认识，2020年出演《降魔的2.0》孕妇Ling一角，更被观众激讚演技大跃进。佢本来係上位小花之一，但前年有传林凯恩扭计唔续约，因而被调去主持《流行都市》及于古装贺岁喜剧《黄金万両》中连角色名都无，惨变茄喱啡。上年佢喺《隐形战队》造型多变，由学生妹、侍应到性感造型都有，角色相当有发挥，内心戏连场，被网民大讚演技有进步。
29岁嘅陈星妤，2021年以「陈圣瑜」名字参选香港小姐竞选入行，当年先后被指撞样多位明星，被誉为「理大吴千语」及「翻版方媛」，入行之后参与《男神厨房》及《破解读心理》等综艺节目，又被安排主持《吃货横扫曼谷》，泳衣上阵加埋嬉水、出浴等镜头令陈星妤人气急升。上年佢凭《一舞倾城》中饰演「万国城最后一个处女」江洁儿（KK）一角，获得网民关注。
按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！
其他人也在看
