薛家燕苑琼丹不和真相曝光 邓兆尊透露曾有磨擦 ：两个阿姐说话轻微带骨

网上娱乐节目《娱乐好好玩》日前（18日）播出一集，邀请到邓兆尊担任嘉宾主持，结果反应热烈。今个星期节目再次邀请兆尊作客，期间大谈当年拍摄TVB经典剧《皆大欢喜》嘅「不和事件」。

邓兆尊表示无同其他演员存在不和，又指《皆大欢喜》剧组好似一个家庭，拍摄期间仅有少少事发生，但已即时处理好：「又唔可以话不和，曾经有少少磨擦咁样啦，有一日，好轻微啫，后尾都处理咗，即时处理咗」，例如遇到收音及与同事间啲磨擦：「冇乜特别，有场戏，每一场都有个主角，嗰场戏讲苑仔，家燕姐就话『我要加啲大头』之类嘅嘢，其实好简单，加咗之后导演知唔知，我哋唔知，有少少磨擦出现咗，两个阿姐有少少轻微说话、有少少骨，嗰场戏拍得麻麻哋。」邓兆尊又指，珍姐嘅房间设多部电视机，如同保安室一样；透露每间厂发生咩事珍姐都会睇到晒；吴家乐又补充：「下面讲咩佢都听到，听到晒厂讲乜嘢，可以同监製讲，唔使汇报上去，佢即刻知。」

按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！