陈豪宠妻无极限 被野生捕获买名牌手袋赠陈茵媺 曾扬言最紧要老婆开心

陈豪与陈茵媺于2013年结婚，育有两子一女，一直係娱乐圈中嘅模範夫妻。早前，陈茵媺于社交平台大晒60万Hermès鳄鱼皮Birkin 25手袋；一向爱妻嘅陈豪出席活动时表示最紧要老婆开心，认为送礼物畀太太係讲求心意，唔係计价钱。近日，陈豪于内地工作完毕后，又被网民野生捕获，影到佢喺名店买手袋。

网民于社交平台分享陈豪现身名店嘅影片，当店员为陈豪介绍手袋款式时，陈豪相当专心，不时微笑点头之余，亦将手袋攞上手认真观看，最后就将手袋孭上膊头去畀钱；有网民留言指：「阿mo这是出差不忘给Amiee买包包吗」。

陈豪可谓宠妻无极限，过往曾送赠过Hermès限量版Constance及多个Hermès手袋畀陈茵媺，陈茵媺不时都会大晒多个款式嘅Hermès手袋，包括Birkin、Kelly、Picotin、Constance、Garden Party等等，甚至一袋拥有多色，估计总值至少200万。

按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！