【财经TOP SEARCH】中芯突破美禁令传闻唔襟炒

【Now财经台】截至早上10时45分止，1小时内《彭博》搜寻量最多港股，依次为融创中国(01918)、世茂集团(00813)、中芯国际(00981)、中国人寿(02628)及旭辉控股集团(00884) 。

中芯股价9月中开始，跟随大市自低位一直向上收复失地，今早(3日)见过近1年高位，但之后掉头向下，一度挫约5%，几日前市传内地推动AI晶片本土化，又传出中芯已突破美国禁令，有望实现7纳米晶片技术，股价係咪可以企稳20元关口？

椽盛资本投资总监曾永坚指，传中芯突破美国禁令，可实现7纳米晶片技术，至今都未获官方确认，就算可以成功生产，但良率係咪可以达标，以至客户係咪接受，都需要时间验证，因此，单靠呢啲消息去炒作，股价唔会好扎实。

佢又话，睇返中芯股价预测市盈率(PE)及基本因素，估值属于偏贵水平，现时较大嘅支持位喺19.9元。