文根英现身MMA2024肿胀身形惹关注 网民：放过佢喇

南韩童星出身嘅女星文根英，曾于经典韩剧《蓝色生死恋》饰演宋慧乔年轻版而爆红，获封国民妹妹。但佢喺2017年手臂突然剧烈疼痛入院，检查后被诊断患上「急性腔室症候群」，历经四次手术险截肢。早前佢现身Netflix新剧《地狱公使2》发布会，肿胀身形随即引起网民关注，纷纷留言表示担心佢嘅健康状况。不过佢之后就表示健康非常健康，只係为食发福，现时正在努力减肥中。

日前佢现身韩国音乐颁奖礼《Melon Music Awards 2024》（MMA2024）担任颁奖嘉宾，着上白色恤衫配上黑色西装外套嘅佢，身形再次引起关注，唔少网民纷纷留言大讚佢依然靓女又可爱，例如「很漂亮啊」、「哈哈哈 诚实的女艺人真的好可爱！希望她健康的减重！」、「胖了还那么漂亮 真美～身体健康最重要呢～」、「佢之前身体有病，差啲要截肢，放过佢喇」、「才不是......她之前生病！......死里逃生耶....」、「健康就好 觉得气色看起来不错啊」、「仲係咁靓女」、「皮肤超好」、「好可爱」及「还是很可爱 身体健康最重要」等等。

按此下载全新Yahoo APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！