唔少立法会议员都锺意跑步，选委界陆瀚民今日就同太太洪绮敏一齐去上海参加马拉松全马赛事，体验呢项上海盛事嘅整体安排，同埋上海嘅城市活力、民众气氛，又提到上海马拉松係国家唯一获得遴选进入世界马拉松大满贯嘅马拉松赛事。
沿途有「厕所长阵」畀跑手解决陆瀚民提到，所有跑手拎选手包唔使拎出手提电话或纸本证明，而係直接用人脸识别核实身份，拎完选手包之后旁边更有一个赛事文化与体育用品博览会，有几十个大型体育品牌喺度推销运动同跑步产品，相信呢个会係推动体育旅游产业嘅一个重要组成部分。
起跑前上海市一众领导会进行简短讲话同主持鸣枪仪式，陆瀚民话最令佢感动嘅係起步前会奏唱国歌，形容全场跑手都严肃并激昂地高唱国歌，在场气氛实在感动。香港之前就有跑步赛事唔够厕所，一众男跑手都要企埋一边「就地解决」。陆瀚民就观察到，上马嘅流动厕所可以用「厕所长阵」嚟形容，成条街放满咗「一望无际」嘅流动厕所，目测基本上只要等一、两分钟就可以用。
陆瀚民预告未来会喺立法会推动「吸引旅客成为体育运动的参与者」策略。(资料图片／苏文杰摄)完赛后有冷水池浸脚放鬆上马嘅终点位于上海体育馆，陆瀚民发现拎完赛纪念品同奖牌后，现场设有提供传统物理治疗按摩服务同冷水池嘅放鬆区，等一众跑手可以浸脚放鬆肌肉，仲话完赛两个钟之后跑手嘅英姿已经上传晒去选手嘅个人程式，大讚高效率。总括而言，陆瀚民预告未来会继续喺立法会推动「吸引旅客成为体育运动的参与者」策略，建立起参与体育嘅过夜客群，希望政府可以多啲拆墙鬆绑，长远带动成个体育加旅游产业优势互补。
原文刊登于 AM730 https://www.am730.com.hk/本地/ray-online-陆瀚民同太太去上海跑马拉松-跑手严肃激昂唱国歌气氛感动/511946?utm_source=yahoorss&utm_medium=referral
其他人也在看
免责声明：本网站部分内容由用户自行上传，若侵犯了您的权益，请联系我们处理，谢谢！联系QQ：116966715
